تیمور - بابر قانی بار

ایللر ایچره، تنگری نینگ، سیوگن اله مانی بار
سیوگن اله مانیده، گوزه ل تورکستانی بار
گوزه ل تورکستانیده، کومکوک آسمانی بار
کومکوک آسمانیده، هولکر و چولپانی بار

اله مانی جان -تنیم، تینمه-ی اورر یوره گیم
هربیر تامیریم ایچره، تیمور- بابر قانی بار
یازه ی آلتین قلمده، بای دور بو یورت عالمده
تورکستان اؤتمیشیده، سلطان و خاقانی بار
گلب یاتگن گلباغی، زردن توله توپراغی
علم و فن نی اوچاغی، کوپ-کوپ بیلیمدانی بار
آدابلی اوغیل- قیزی، در و گوهر سؤزی
هیچ اوچمه سین یولدوزی، یولدوزلی آسمانی بار
فخر ایته من تیلیمگه، ایشانه من ایلیمگه
اینتیله دی بیلیمگه، بیلیم دن قلقانی بار
تیکیس - تیکیس یوللری ، ایپارلیدیر گللری
هنرلی دور قوللری، قولیده امکانی بار
بیر آچه-یلیک کوزیمیز، بیر قیله-یلیک سؤزیمیز
بیر بوله-یلیک اؤزیمیز، ایلده کوپ داستانی بار
یول بؤلسین و یول بؤلسین، تویغولری گل بؤلسین
ایزگو - امید آرتیلگن، یولده کاروانی بار


حرمتلی استاد عزیز فاریابی


سوزلر آنگلمی:
1. اله مان : آلامان، اۉز۔اۉزیدن تۉپلنگن مردم، خلایق، آدملر
2. هولکر و چولپان : یولدوزلر آتی
3. آلتین : زر، طلا
4. قلقان : سپر
5. ایپار : یخشی ایسلی ماده، مشک
6. تویغو : احساس
7. ایزگو : یخشی