آقمه گن بیر تامچی یاشیم مال دنیانی دیبان
آقتی انچه کوز یاشیم اول سرو رعنانی دیبان
کورمه دیم اول دم ده مین بیر یار غمخوار اوزومه
قتنه دیم یوز دردو غم له چشم شهلانی دیبان
ییتمه دیم وصلیگه هرگز بیر عمر ایزلب اونی
ایریلیق دین تیلبه بولدیم وصل لیلانی دیبان
کیچه لر تانگ آتتی کیلمی اویقو بیر هم کوزومه
ییغله دیم مانند یوسف اول زلیخانی دیبان
چیقگه لی یولیده هر دم روز و شب کوتتیم اونی
ایله دیم عمریمنی کول رخسار زیبانی دیبان
یخشی کون کورمم خیالیم بول گوزلنینگ دستیدن
بول جهاننی یوق ساییب مین قالدیم عقبانی دیبان
باشقه لر کولسه ولی مین چشم گریان ییغله دیم
تنگریمه یالبارغچ هر دم ماه سیمانی دیبان
ای "بهایی" خرم ایت کونگلونگ باریب میخانه ده
فکریدین بیر لحظه اوتگیل جام و مینانی دیبان
بهرام
0 Comments: